NENO KATIKA MOYO NA KATIKA KINYWA


Moyo
Tulivyojifunza awali kuwa moyo ni sadaka ya pekee naya muhimu kumkabidhi Mungu yaani toba (isaya 57:15, zaburi 32:1-5). Hata hivyo kwa moyo mtu huamini, kwani Imani ya mtu huwa moyoni mwake (warumi 10:10). Pia ni vema kujua kuwa uhusiano wa Mungu na mtu hujengwa moyoni kupitia njia ya Imani kwa Yesu kristo (warumi 5:1-11). Siku zote Imani ya mwanadamu kwa Yesu kristo hudhihilisha upendo wake kwa Mungu, hivyo Imani humpendeza Mungu, na upendo huo wa kweli ndio sheria iliyo kuu naya kwanza kufuata (yohana 6:29, kumbukumbu 6:5)
Neno Katika Moyo
Tukumbuke kuwa Mungu ni Roho nao wamwabuduo katika kweli humwabudu katika Roho na kweli. Tafsiri ya neno roho na moyo katika maandiko ya biblia takatifu yanashabihiana. Na mahali pengine huonyesha kama roho huwa ndani ya moyo wa mtu. Pia tukumbuke tunaposema Roho maana yake ni neno la Mungu yaani injili ya kweli inayo ambatana moja kwa moja na Roho mtakatifu ambae ni Mungu (yohana 1:1, yohana 6:63, 1 wathesalonike 2:8, yohana 5:38)
Kumbe basi moyo wa mtu ukitawaliwa na neno la Mungu na kuithibitisha Imani ya kweli katika kristo Yesu mtu huyo huwa na mahusiano makubwa na Mungu (yohana 14:23). Japo watu wengi hudhani kusemasema kwamba wanampenda Mungu na wanaimani na Yesu, wakati mioyo yao ikijua dhahili kuwa wayasemayo si kweli ila ni kuwalaghai watu na kuwatapeli ili wakidhi matakwa yao tu, hii ni kujidanganya, wasijue kuwa wanamtumikia ibilisi, na kujipalia makaa ya hukumu kichwani, maana Mungu huchunguza mioyo (mathayo 24: 24, zaburi 78:36-37, yeremia 17:10, ufunuo 2:23)
Mtu ambaye moyo wake hautawaliwi na maneno ya Mungu basi mwovu humtawala kirahisi (matendo 8:18-24, waefeso 2:1-4). Na mwovu hudhani kuwa vile amemtawala mtu basi ni rahisi kutawala wengine, kitu ambacho hatoweza kukifanya kwa mtu anae mwamini Yesu kristo katika Roho na kweli (mathayo 4:1-11, luka 10:18-20, mathayo 5:48,)
Moyo wa mtu hutawaliwa kwa neno, na maneno mtu ayasemayo yanatoka katika moyo wake (Luka 6:45) Mungu ni Neno (yohana 1:1) na neno la Mungu ni Roho (yohana 6:63) na tukilishika neno la Mungu ndipo Roho wake huja na ndani ya mioyo yetu na kututawala na kuishi nasi (yohana 14:23-24)
Neno Katika Kinywa
Basi neno litokalo kinywani mwako ni kiashiria kikubwa kuonesha kama moyo wako unatawaliwa na Mungu au na ibilisi au pengine na hisia zako za mwili (ayubu 22:22) Na kama ukitaka kuijaribu roho kwa mtu anayedai kuwa anamwamini Mungu ni kwa kupitia meneno ya kinywa chake (mathayo 15:18) hivyo tusipende kuamini kila roho.
Unajisi na haki ya mtu hutokana na maneno yake. Siku zote limtokalo mtu limeujaza moyo wake (mathayo 15:10-20). Basi kama kwa kukiri tu mtu hupata haki na kwa moyo mtu akiamini hupata wokovu, hivyo neno likitoka katika moyo wenye Imani ya kweli ni jambo jema litokanalo na neema ya Mungu (warumi 10, mithali 18:21)
Karama za Mungu kama wokovu, uponyaji, ulinzi, ukombozi hata ufufuo zinapatikana kama moyo unaamini Yesu katika kweli yote na kwa kinywa unakiri Imani yako kwa kristo (kama moyo wako unatawaliwa na Mungu maneno yako yamekuwa roho)
Tena ni vema kukumbuka katika tafakari hii kuwa kila neno litahukumiwa mbele za Mungu lakini pia kila neno jema litahesabiwa haki (mathayo 12:33-37).

Maoni

Chapisha Maoni

Machapisho maarufu kutoka blogu hii

UHURU WA MKRISTO

Picha
Mkristo ni mtu anaye mwamini Mungu katika Roho na kweli, ni mtu anayeongozwa na Mungu (Roho wa Mungu), ni mtu anayemwita Mungu Aba! Tenani ambaye Kristo anaishi ndani yake ni mtu anayempenda Mungu. Uhuru – ni hali ya kuijua kweli na kuwa mbali na hali ya vifungo vya mapokeo au tamaduni, siasa, dhambi ya awali ambayo si asili ya mwanadamu. Bali kuwa karibu na kweli ambayo ni enzi ya Mungu (ufalme wa Mungu) iliyo asili ya mtu na iliyo kusudio la Mungu kabla ya ulimwengu kuumbwa. Ukweli humfanya mtu kuwa huru- na ukweli ni habari njema tunayohubiriwa na Yesu kristo kama ilivyo kwenye maandiko matakatifu (yohana 8:31-36)- lakini kweli ni Roho mtakatifu atufundishaye mambo yote tangu kuumbwa kwa misingi ya ulimwengu kwa shuhuda za Kristo Yesu (yohana 16:13-14) Roho wa Mungu akikaa ndani yetu huo ndio uhuru wetu Lengo moja wapo la Yesu kristo kuja duniani ni kumuweka mwanadamu kuwa huru (luka 4:18-21, isaya 61:1-9) hii ni sababu ya eye kuja na kusema maneno ya uhai, lakini pia kuish...
Endelea kusoma

MAHUSIANO NA UPENDO BAINA YA MTU NA MUNGU

Picha
Kwa maana jinsi hii Mungu aliupenda ulimwengu, hata akamtoa mwanawe pekee, ili kila mtu amwaminiye asipotee, bali awe na uzima wa milele (Yohana 3:16). Ni hakika kuwa Mungu aliupenda kwanza ulimwengu na ndivyo ilivyo siku zote kuwa Mungu anatupenda sana na anashughulika na mambo yetu wakati wote. Ili tupasa na inatupasa tumpende kwa kushika amri zake na maneno yake lakini hilo limekuwa mtihani kwa binadamu wengi. Hivyo kwa binadamu upendo ndio sheria kuu na ya kwanza ili kuufikia ufalme wa Mungu (kumbukumbu 6:5) “mpende BWANA MUNGU wako kwa moyo wako wote, kwa nguvu zako zote na kwa akili zako zote”. Kama ilivokuwa ‘imani’ kusikia na kutii neno la Kristo, na imani ikiwa timilifu inajenga jumla ya utegemezi wa mambo yote kwa Kristo ambayo tuaiita ‘tumaini’. Basi upendo nao huhakikiwa kutokana na Tumaini thabiti lakini haya mambo yote Hufanywa na Roho wa Mungu kwa wanadamu, hayapo ndani ya uwezo wa Mwanadamu mwenyewe (Warumi 5:4-5). MAHUSIANO Mtu yeyote ampendaye Mungu ...
Endelea kusoma

SADAKA YA MOYO

Zaburi 51:16-17, isaya 57:15-19, yeremia 17:9-10, mwanzo 8:21, warumi 10:10, luka 6:43-45, mithali 23:15,26 Sadaka ni matoleo ya mwanadamu kwa Mungu, Kuthibitisha utegemezi wa mambo yote kwa Mungu (mwanzo 4:3-7, mwanzo 8:20-21). Hivyo sadaka ni kuonyesha hali ya kumilikiwa na unyoofu wa moyo mbele za Mungu (mwanzo 22:1-18). Kitu chochote huwa sadaka kama thamani yake inagharimu sehemu kubwa ya uhai wa mtu (marko 12:41-44). Tena ni hiari ya mtu kutoa sadaka ama kuto kutoa (kutoka 36:3). Katika mahusiano ya mtu na Mungu sadaka huwa ni kiashiria kikubwa sana na ni ngumu kwa Mungu au mtu huyo kusahau kiashiria hicho maana hutengeneza agano (zaburi 50:5). Mwanadamu aliumbwa kuwa na ibada na katika ibada hiyo ni hiari yake kutoa sadaka. Ibada hii ni maisha, katika maisha ya mwanadamu ni kama safari ambayo kwa kutumia Imani ya Kristo Yesu tunafika nyumbani kwa Mungu. Katika maisha kuna uhuru wa kuchagua moyo wako uambatane na Mungu au Shetani. Kwa maana utachagua katika ibada yako utoe...
Endelea kusoma