KUOMBA NA KUSIKILIZA


KUOMBA
Wanadamu tunalojukumu la kuomba tunapoishi duniani, maombi huwa ya namna nyingi kama maombi ya toba, shukrani, maombi ya sifa au kutukuza wakfu au nadhiri, kuomba msaada, kuomba Baraka au fadhili kama uponyaji, muujiza, kuomba kukilimishwa/kipawa/karama za Roho, suala la kuomba ni ibada ya muhimu  na ni jambo la kila mtu lakini linahitaji kuzingatia  mambo yafuatayo;
Ø Kusali rohoni (yohana 4:23-24)
Kuomba kwa moyo(moyoni) kunasaidia kuomba wakati wote kujizoeza kuomba moyoni ni faida kwa mkristo. Neno linasema ni vema kuomba kila wakati bila kukoma (1 wathesalonike 5:17). Japo inawezekana kuwa ni ngumu kama tumezoea kuomba kwa kupayuka-payuka (mathayo 6:7) tukiamini kwamba Mungu atatukumbuka kwenye shida zetu. Sina maana kuwa ni vibaya kuomba kwa sauti ila nataka kusema kuna wakati wa kuomba kwa sauti maana huwezi kuomba kwa sauti kila wakati na neno linatuhitaji kuomba kila wakati.Neno pia linasema tusijisumbue kwa jambo lolote isipokuwa kwa kusali na kuomba lakini haja zetu na zijulikane (    luka 21:34-36)
Mungu ameufanya moyo kuwa chumba cha siri kwa ajili ya makutanio baina Yake na binadamu. Mtu anapokuwa anaomba moyoni hakuna mtu anayeweza kujua hata awe mwandani wako(mathayo 6:6, luka 7:39, mithali 4:23, )  
Ø Jua haki zako kabla ya kuomba( Daniel 9:7 )
kabla ya kuomba nivema kujua haki zako katika ufalme wa Mungu( mathayo 6:33, isaya 51:1-2 isaya 53 ) haki zetu zinapatikana kupitia Yesu kristo mwenyewe (yeremia 4:2, yohana 16:9-10 zaburi 89:14). Alikufa msalabani ili tupate haki zote za msingi ili tuishi duniani tupate uponyaji, uhuru toka kwenye vifungo vya ibilisi, mahusiano na Mungu baba na tupate Baraka zote, na rehema za Mungu kwa kupitia damu yake iliyomwagika msalabani. Kwa kifupi kila tunachoomba kwa Mungu tunapata kupitia jina, na damu ya Yesu kristo (yohana 14:13-14, isaya 61:1-11). Mungu anajua haja zetu hata kabla hatuja muomba (mathayo 6:8)
Ø Tambua nyakati za kuomba (zaburi 32:6)
Kwa mtu mtauwa anafahamu ni wakati gani wa kuomba, kumbe kuomba si suala la kujisikia bali kabla ya kuomba kuna mambo ya kuzingatia, mtu mtauwa anapaswa kumwomba Mungu pale anapopatikana (zaburi 32:6) na ni kweli tunapo mtafuta Mungu anapatikana (isaya 55:6) pia ni ngumu kumpata Mungu tunapokuwa hatusikilizi nakutii maneno yake ( yeremia 7: 24, isaya 58:9)
Ø Tuombe kwa kuongozwa na Roho wa Mungu
Binadamu wengi hatujui kuomba kwa maana tunaongozwa na matakwa ya miili yetu hivyo hisia na hulka ndo hutuongoza kwenye maombi na sio Roho wa Mungu na matakwa yake. Matakwa ya Roho wa Mungu Ndio hayo hayo matakwa ya Mungu (warumi 8:5-6,26-27,34-39). Mungu ni Roho tunapo muonba lazima tuongozwe na Roho wake na hakikisha Roho wa Mungu anapopatikana ndipo unapo muomba.
KUSIKILIZA
Kuomba ni vema kwa binadamu lakini kusikiliza ni muhimu Zaidi (mhubiri 5:1-6)

Basi tunapofika mbele za Mungu, tunapojisogeza mahali patakatifu pake ili tumuombe inabidi tumsikilize kwanza (waebrania 4:16). Kwa maana Mungu anayajua mahitaji yetu kabla hatujamuomba. Kusikiliza ni bora Zaidi kuliko kuomba vitu tusivovijua (mathayo 20:22, warumi 18:26, mhubiri 5:1). Tena kuomba wakati unaemuomba anajua haja zako na anashughulika na mambo yako, ni sawa na kutomtambua Mungu na kazi kubwa alizofanya kwako. Tuwe wepesi wa kusikiliza maagizo na kutekeleza na hiyo ndiyo Imani na hasa ndiyo pekee inayo mpendeza Mungu (mhubiri 5:1,6, waebrania 11:1) Mungu anatuagiza tumsikilize Yesu maana kwa kufanya hivyo tutaweza kuimalisha Imani zetu (mathayo 17:3,5, mithali 8:34-35). Kumsikiliza Mungu ni muhimu sana ilikujiepusha kuomba vitu vingi na tusivyo vijua au kulaumu na kujihesabia haki mbele za Mungu (luka 18:9-14)

Maoni

Chapisha Maoni

Machapisho maarufu kutoka blogu hii

UHURU WA MKRISTO

Picha
Mkristo ni mtu anaye mwamini Mungu katika Roho na kweli, ni mtu anayeongozwa na Mungu (Roho wa Mungu), ni mtu anayemwita Mungu Aba! Tenani ambaye Kristo anaishi ndani yake ni mtu anayempenda Mungu. Uhuru – ni hali ya kuijua kweli na kuwa mbali na hali ya vifungo vya mapokeo au tamaduni, siasa, dhambi ya awali ambayo si asili ya mwanadamu. Bali kuwa karibu na kweli ambayo ni enzi ya Mungu (ufalme wa Mungu) iliyo asili ya mtu na iliyo kusudio la Mungu kabla ya ulimwengu kuumbwa. Ukweli humfanya mtu kuwa huru- na ukweli ni habari njema tunayohubiriwa na Yesu kristo kama ilivyo kwenye maandiko matakatifu (yohana 8:31-36)- lakini kweli ni Roho mtakatifu atufundishaye mambo yote tangu kuumbwa kwa misingi ya ulimwengu kwa shuhuda za Kristo Yesu (yohana 16:13-14) Roho wa Mungu akikaa ndani yetu huo ndio uhuru wetu Lengo moja wapo la Yesu kristo kuja duniani ni kumuweka mwanadamu kuwa huru (luka 4:18-21, isaya 61:1-9) hii ni sababu ya eye kuja na kusema maneno ya uhai, lakini pia kuish...
Endelea kusoma

MAHUSIANO NA UPENDO BAINA YA MTU NA MUNGU

Picha
Kwa maana jinsi hii Mungu aliupenda ulimwengu, hata akamtoa mwanawe pekee, ili kila mtu amwaminiye asipotee, bali awe na uzima wa milele (Yohana 3:16). Ni hakika kuwa Mungu aliupenda kwanza ulimwengu na ndivyo ilivyo siku zote kuwa Mungu anatupenda sana na anashughulika na mambo yetu wakati wote. Ili tupasa na inatupasa tumpende kwa kushika amri zake na maneno yake lakini hilo limekuwa mtihani kwa binadamu wengi. Hivyo kwa binadamu upendo ndio sheria kuu na ya kwanza ili kuufikia ufalme wa Mungu (kumbukumbu 6:5) “mpende BWANA MUNGU wako kwa moyo wako wote, kwa nguvu zako zote na kwa akili zako zote”. Kama ilivokuwa ‘imani’ kusikia na kutii neno la Kristo, na imani ikiwa timilifu inajenga jumla ya utegemezi wa mambo yote kwa Kristo ambayo tuaiita ‘tumaini’. Basi upendo nao huhakikiwa kutokana na Tumaini thabiti lakini haya mambo yote Hufanywa na Roho wa Mungu kwa wanadamu, hayapo ndani ya uwezo wa Mwanadamu mwenyewe (Warumi 5:4-5). MAHUSIANO Mtu yeyote ampendaye Mungu ...
Endelea kusoma

SADAKA YA MOYO

Zaburi 51:16-17, isaya 57:15-19, yeremia 17:9-10, mwanzo 8:21, warumi 10:10, luka 6:43-45, mithali 23:15,26 Sadaka ni matoleo ya mwanadamu kwa Mungu, Kuthibitisha utegemezi wa mambo yote kwa Mungu (mwanzo 4:3-7, mwanzo 8:20-21). Hivyo sadaka ni kuonyesha hali ya kumilikiwa na unyoofu wa moyo mbele za Mungu (mwanzo 22:1-18). Kitu chochote huwa sadaka kama thamani yake inagharimu sehemu kubwa ya uhai wa mtu (marko 12:41-44). Tena ni hiari ya mtu kutoa sadaka ama kuto kutoa (kutoka 36:3). Katika mahusiano ya mtu na Mungu sadaka huwa ni kiashiria kikubwa sana na ni ngumu kwa Mungu au mtu huyo kusahau kiashiria hicho maana hutengeneza agano (zaburi 50:5). Mwanadamu aliumbwa kuwa na ibada na katika ibada hiyo ni hiari yake kutoa sadaka. Ibada hii ni maisha, katika maisha ya mwanadamu ni kama safari ambayo kwa kutumia Imani ya Kristo Yesu tunafika nyumbani kwa Mungu. Katika maisha kuna uhuru wa kuchagua moyo wako uambatane na Mungu au Shetani. Kwa maana utachagua katika ibada yako utoe...
Endelea kusoma