IMANI NI KUSIKIA NA KUTII


Maandiko matakatifu yanatufundisha kuwa imani ni njia pekee ya kufikia Ufalme wa Mungu. Pasipo imani haiwezekani kumpendeza Mungu (Waebrania 11:6). Sio kwa matoleo ya sadaka au kuhudumu katika nyumba zetu za ibada ndio tunaweza kumpendeza Mungu, bali ni kwa imani. Tafsiri ya imani ni kusikia na kutii neno litokalo kwa Kristo. Hivyo ni jukumu la kila mwanadamu kuamwamini Yesu Kristo ili kuufikia Ufalme wa Mungu.
Imani katika Yesu kristo inahusisha mambo makubwa mawili yaani usikivu na utiifu. Usikivu ni hatua ya kwanza na utiifu ni hatua ya pili katika imani ajabu ni kwamba haya Yote mawili hufanywa na Yesu kristo mwenyewe na sio kwa nguvu za binadamu.
1.   Usikivu- ni kusikia neno litokalo kwa Kristo; binadamu wote walio wateule wanauwezo wa kusikia sauti ya Mungu na pia wanauwezo wa kusikia sauti ya Yesu kristo (1Yohana 4:6). Basi imani chanzo chake ni kusikia; na kusikia huja kwa neno la Kristo (Warumi 10:17). Maandiko matakatifu yanaonyesha awali wana wa israeli (Yakobo) taifa lililoteuliwa na Mungu walisiishi kwa kusikia sauti ya Mungu, lakini wengi waliangamizwa na wengine kupelekwa utumwani kwa sababu ya kutotii neno lake yaani sheria Yake (Warumi 10:18, Mathayo 4:4). Ndiyo sababu Yesu kristo alitumwa ulimwenguni ili kila ayasikiaye na kuyatii maneno yake asipotee bali awe na uzima wa milele (yohana 14:24)
2.   Kutii – ni kutekeleza yale maagizo yaliyo sikiwa kwa matendo. Kama ilivyo kuwa hatua ya mwanzo wa imani ni kusikia na hatua ya pili ni kutii. Basi anayeweza kulitii neno la Mungu ameitimiza imani yake na imani yake huwa kamilifu (Yakobo 2:21-22). Binadamu wanauwezo wa kusikia lakini wachache sana au hakuna wanaoweza kulitii neno la Mungu. Kwa sababu awali baba yetu Adamu alishindwa kulitii neno la Mungu. Ndomana Mungu mwenyewe aliamua kwa kupitia Yesu kristo imani yetu ianzishwe na itimizwe (waebrania 12:2).
Sasa imani huanzishwa na Yesu na inatimizwa na Yeye mwenyewe, na binadamu wanatakiwa kufahamu kuwa utimilifu wa imani katika Yesu kristo hauji kwa uwezo wa mwili bali kwa Roho mtakatifu. Wengi wanafahamu Yohana alibatiza kwa maji lakini Yesu Kristo anabatiza kwa Roho mtakatifu na kwa moto(Luka 3:16).
Adam hakuweza kutii neno la Mungu kwa maana yeye aliongozwa na tamaa za mwili; Kuja kwa Yesu kristo kulifanya imani yetu ianze maana yeye alikuja duniani akauvaa mwili kama wana wa adamu wengine lakini pia kwa kuongozwa na Roho mtakatifu aliishinda dhambi, kuzimu na mauti. Na ndiye aliepaingia patakatifu pa Mungu na katika hekalu takatifu akafanywa kuhani mkuu wa milele ambaye kwa mwili wake alifanya sadaka takatifu ya kufuta dhambi(Waebrania 10). Hii inadhihirisha kuwa Yesu kristo alikuja kurejesha uhusiano baina ya Mungu na wanadamu ambapo binadamu aliokolewa kwa mkono wa Mungu ikiwa neema na huruma zake zinatumika kutengeneza imani kama njia ya kumfikia na si kwa kuhesabiwa haki kwa matendo ya sheria (warumi 3:21-31).
Imani inampendeza Mungu na hii imekuwa njema kuliko sadaka au matoleo yaliyokuwa yanatolewa awali katika tamaduni za Israel (1 Samweli 15:22). Na pia imani yetu ni katika Yesu kristo wote wamwaminio hulisikia na kutii neno lake, kwa kufanya hivyo hukombolewa na kuimarishwa katika imani (Luka 6:46-49)  
Yesu kristo ndiye awezaye kujalia wanadamu kutii neno la Mungu; tukimwamini nakuomba kwa toba na unyenyekevu kwa Baba kwa njia yake tutapewa Roho mtakatifu (Matendo 2:38) maana Yesu ni kuhani mkuu habatizi kwa maji tu bali kwa Roho anayetuwezesha kutii neno la Mungu.
Imani humwezesha mtu kupokea baraka na nguvu za Mungu na kuuona utukufu wake (Marko 5:25-34,Yohana 11:40). Hivyo hatua ya kwanza ya imani ni kusikia neno lakini hatua ya pili ni kutii nayo huja kwa ubatizo wa Roho wa Mungu hapo imani hukamilika na huwa takatifu (Yuda1:20)


Maoni

Chapisha Maoni

Machapisho maarufu kutoka blogu hii

UHURU WA MKRISTO

Picha
Mkristo ni mtu anaye mwamini Mungu katika Roho na kweli, ni mtu anayeongozwa na Mungu (Roho wa Mungu), ni mtu anayemwita Mungu Aba! Tenani ambaye Kristo anaishi ndani yake ni mtu anayempenda Mungu. Uhuru – ni hali ya kuijua kweli na kuwa mbali na hali ya vifungo vya mapokeo au tamaduni, siasa, dhambi ya awali ambayo si asili ya mwanadamu. Bali kuwa karibu na kweli ambayo ni enzi ya Mungu (ufalme wa Mungu) iliyo asili ya mtu na iliyo kusudio la Mungu kabla ya ulimwengu kuumbwa. Ukweli humfanya mtu kuwa huru- na ukweli ni habari njema tunayohubiriwa na Yesu kristo kama ilivyo kwenye maandiko matakatifu (yohana 8:31-36)- lakini kweli ni Roho mtakatifu atufundishaye mambo yote tangu kuumbwa kwa misingi ya ulimwengu kwa shuhuda za Kristo Yesu (yohana 16:13-14) Roho wa Mungu akikaa ndani yetu huo ndio uhuru wetu Lengo moja wapo la Yesu kristo kuja duniani ni kumuweka mwanadamu kuwa huru (luka 4:18-21, isaya 61:1-9) hii ni sababu ya eye kuja na kusema maneno ya uhai, lakini pia kuish...
Endelea kusoma

MAHUSIANO NA UPENDO BAINA YA MTU NA MUNGU

Picha
Kwa maana jinsi hii Mungu aliupenda ulimwengu, hata akamtoa mwanawe pekee, ili kila mtu amwaminiye asipotee, bali awe na uzima wa milele (Yohana 3:16). Ni hakika kuwa Mungu aliupenda kwanza ulimwengu na ndivyo ilivyo siku zote kuwa Mungu anatupenda sana na anashughulika na mambo yetu wakati wote. Ili tupasa na inatupasa tumpende kwa kushika amri zake na maneno yake lakini hilo limekuwa mtihani kwa binadamu wengi. Hivyo kwa binadamu upendo ndio sheria kuu na ya kwanza ili kuufikia ufalme wa Mungu (kumbukumbu 6:5) “mpende BWANA MUNGU wako kwa moyo wako wote, kwa nguvu zako zote na kwa akili zako zote”. Kama ilivokuwa ‘imani’ kusikia na kutii neno la Kristo, na imani ikiwa timilifu inajenga jumla ya utegemezi wa mambo yote kwa Kristo ambayo tuaiita ‘tumaini’. Basi upendo nao huhakikiwa kutokana na Tumaini thabiti lakini haya mambo yote Hufanywa na Roho wa Mungu kwa wanadamu, hayapo ndani ya uwezo wa Mwanadamu mwenyewe (Warumi 5:4-5). MAHUSIANO Mtu yeyote ampendaye Mungu ...
Endelea kusoma

SADAKA YA MOYO

Zaburi 51:16-17, isaya 57:15-19, yeremia 17:9-10, mwanzo 8:21, warumi 10:10, luka 6:43-45, mithali 23:15,26 Sadaka ni matoleo ya mwanadamu kwa Mungu, Kuthibitisha utegemezi wa mambo yote kwa Mungu (mwanzo 4:3-7, mwanzo 8:20-21). Hivyo sadaka ni kuonyesha hali ya kumilikiwa na unyoofu wa moyo mbele za Mungu (mwanzo 22:1-18). Kitu chochote huwa sadaka kama thamani yake inagharimu sehemu kubwa ya uhai wa mtu (marko 12:41-44). Tena ni hiari ya mtu kutoa sadaka ama kuto kutoa (kutoka 36:3). Katika mahusiano ya mtu na Mungu sadaka huwa ni kiashiria kikubwa sana na ni ngumu kwa Mungu au mtu huyo kusahau kiashiria hicho maana hutengeneza agano (zaburi 50:5). Mwanadamu aliumbwa kuwa na ibada na katika ibada hiyo ni hiari yake kutoa sadaka. Ibada hii ni maisha, katika maisha ya mwanadamu ni kama safari ambayo kwa kutumia Imani ya Kristo Yesu tunafika nyumbani kwa Mungu. Katika maisha kuna uhuru wa kuchagua moyo wako uambatane na Mungu au Shetani. Kwa maana utachagua katika ibada yako utoe...
Endelea kusoma