KUTAMBUA NJIA YA MAISHA TUNAYOPITIA


Isaya 48:17 ”BWANA, Mkombozi wako,mtakatifu wa Israel, asema hivi; Mimi ni BWANA, Mungu wako, nikufundishaye ili upate faida, nikuongozaye kwa njia ikupasayo kuifuata”
Wengi tunaishi duniani pasipo kufahamu njia tunayotakiwa tupitie hii hutufanya hata katika majaribu madogo tuanguke kwa kukata tamaa, kuvunjika moyo na hata kuangamia. Haya yanatupata  katika Nyanja tofautitofauti za maisha kama ndoa, urafiki, kazi, familia, masomo, na hata katika umiliki wa mali. Tukiwa hatutambui njia tuipitayo ni rahisi kuangukia kwenye utumwa, na vifungo vya ibilisi mpaka mauti. Mithali 14:12 “Iko njia ionekanayo kuwa sawa machoni pa mtu, Lakini mwisho wake ni njia za mauti”.
Binadamu tunamahangaiko mengi hasa katika kutafuta mafanikio, kujenga mahusiano, na hata kutafuta nguvu katika jamii. Watu wengi wanamali nyingi, elimu kubwa, wake/waume wazuri, marafiki wema tena maarufu lakini bado hawatembei katika njia iwapasayo. ”Nitakufundisha na kukuonyesha njia utakayoiendea; Nitakushauri jicho langu likikutazama” (Zaburi 32:8). Mungu pekee huwaonyesha watu wapi pa kupita maana kila mmoja aliumbwa katika mpango wake na malengo yake na kwa njia moja tu ya imani watu wanapata nafasi ya kusikia shauri na maelekezo ya Mungu na hivyo kutii na kufuata makusudio ya Mungu. Hiyo ndiyo njia impasayo mtu kuifuata.
Wengi wanashindwa kuelewa wanaposoma Yohana 14:6 isemayo, “Yesu akamwambia, Mimi ndimi njia, na kweli, na uzima; mtu haji kwa Baba, ila kwa njia ya mimi”. Huu ni mstari  muhimu sana kwa kila Binadamu yaani, kale kabla ya kuja kwa Yesu watu walifikia Uzima na kwa Baba kwa kushika torati (ila hata ivyo ni wachache sana wanaoweza kuitimiza sheria) lakini baada ya Yesu kuja watu hufikia uzima na kwa Mungu kwa kumuamini Yesu mwenyewe ndiyo maana anasema “Mimi ndimi njia” yaani tukimwamini Yeye katika kweli yake tutafika kwenye Uzima wa Mungu
Zipo njia zinazoonekana ngumu kwetu lakini ndio mpango wa Mungu na kuna njia rahisi mno lakini tunakuwa tumepotea. Ajabu ni kwamba kuna wakati tunakuwa na mipango mingi ambayo ni halali na mingine si halali ambayo nayo inatakiwa ithibitishwe na Mungu Mwenyewe.

Mithali 16:1-4 imeeleza kwa mapana kwamba “maandalio ya moyo ni ya mwanadamu; Bali jawabu la ulimi hutoka kwa BWANA. Njia zote za mtu ni safi machoni pake mwenyewe; Bali BWANA huzipima roho za watu. Mkabidhi BWANA kazi zako, Na mawazo yako yatathibitika. BWANA amefanya  kila kitu kwa kusudi lake; Naam, hata wabaya kwa siku ya ubaya. Mistari hii inatupa hitimisho kuwa maisha bila Yesu hakuna tunapoenda zaidi ya kuishi ili tufe bila kufika Uzima wa Milele. TUMUAMINI YESU YEYE NI NJIA.

Maoni

Chapisha Maoni

Machapisho maarufu kutoka blogu hii

UHURU WA MKRISTO

Picha
Mkristo ni mtu anaye mwamini Mungu katika Roho na kweli, ni mtu anayeongozwa na Mungu (Roho wa Mungu), ni mtu anayemwita Mungu Aba! Tenani ambaye Kristo anaishi ndani yake ni mtu anayempenda Mungu. Uhuru – ni hali ya kuijua kweli na kuwa mbali na hali ya vifungo vya mapokeo au tamaduni, siasa, dhambi ya awali ambayo si asili ya mwanadamu. Bali kuwa karibu na kweli ambayo ni enzi ya Mungu (ufalme wa Mungu) iliyo asili ya mtu na iliyo kusudio la Mungu kabla ya ulimwengu kuumbwa. Ukweli humfanya mtu kuwa huru- na ukweli ni habari njema tunayohubiriwa na Yesu kristo kama ilivyo kwenye maandiko matakatifu (yohana 8:31-36)- lakini kweli ni Roho mtakatifu atufundishaye mambo yote tangu kuumbwa kwa misingi ya ulimwengu kwa shuhuda za Kristo Yesu (yohana 16:13-14) Roho wa Mungu akikaa ndani yetu huo ndio uhuru wetu Lengo moja wapo la Yesu kristo kuja duniani ni kumuweka mwanadamu kuwa huru (luka 4:18-21, isaya 61:1-9) hii ni sababu ya eye kuja na kusema maneno ya uhai, lakini pia kuish...
Endelea kusoma

MAHUSIANO NA UPENDO BAINA YA MTU NA MUNGU

Picha
Kwa maana jinsi hii Mungu aliupenda ulimwengu, hata akamtoa mwanawe pekee, ili kila mtu amwaminiye asipotee, bali awe na uzima wa milele (Yohana 3:16). Ni hakika kuwa Mungu aliupenda kwanza ulimwengu na ndivyo ilivyo siku zote kuwa Mungu anatupenda sana na anashughulika na mambo yetu wakati wote. Ili tupasa na inatupasa tumpende kwa kushika amri zake na maneno yake lakini hilo limekuwa mtihani kwa binadamu wengi. Hivyo kwa binadamu upendo ndio sheria kuu na ya kwanza ili kuufikia ufalme wa Mungu (kumbukumbu 6:5) “mpende BWANA MUNGU wako kwa moyo wako wote, kwa nguvu zako zote na kwa akili zako zote”. Kama ilivokuwa ‘imani’ kusikia na kutii neno la Kristo, na imani ikiwa timilifu inajenga jumla ya utegemezi wa mambo yote kwa Kristo ambayo tuaiita ‘tumaini’. Basi upendo nao huhakikiwa kutokana na Tumaini thabiti lakini haya mambo yote Hufanywa na Roho wa Mungu kwa wanadamu, hayapo ndani ya uwezo wa Mwanadamu mwenyewe (Warumi 5:4-5). MAHUSIANO Mtu yeyote ampendaye Mungu ...
Endelea kusoma

SADAKA YA MOYO

Zaburi 51:16-17, isaya 57:15-19, yeremia 17:9-10, mwanzo 8:21, warumi 10:10, luka 6:43-45, mithali 23:15,26 Sadaka ni matoleo ya mwanadamu kwa Mungu, Kuthibitisha utegemezi wa mambo yote kwa Mungu (mwanzo 4:3-7, mwanzo 8:20-21). Hivyo sadaka ni kuonyesha hali ya kumilikiwa na unyoofu wa moyo mbele za Mungu (mwanzo 22:1-18). Kitu chochote huwa sadaka kama thamani yake inagharimu sehemu kubwa ya uhai wa mtu (marko 12:41-44). Tena ni hiari ya mtu kutoa sadaka ama kuto kutoa (kutoka 36:3). Katika mahusiano ya mtu na Mungu sadaka huwa ni kiashiria kikubwa sana na ni ngumu kwa Mungu au mtu huyo kusahau kiashiria hicho maana hutengeneza agano (zaburi 50:5). Mwanadamu aliumbwa kuwa na ibada na katika ibada hiyo ni hiari yake kutoa sadaka. Ibada hii ni maisha, katika maisha ya mwanadamu ni kama safari ambayo kwa kutumia Imani ya Kristo Yesu tunafika nyumbani kwa Mungu. Katika maisha kuna uhuru wa kuchagua moyo wako uambatane na Mungu au Shetani. Kwa maana utachagua katika ibada yako utoe...
Endelea kusoma